1279 September 14. Breslau

Herzog Heinrich IV. tauscht von der Brieger Kirche das Dorf Minken ein.

Henricus dei gracia dux Slesie et dominus Wratislavie universis fidelibus tam presentibus quam futuris salutem in omnium salvatore. Cum memoria hominum sit labilis et ex quadam proclivitate innata vetustate temporis in oblivionem sepius deducatur, necesse est, ut ea, que ab hominibus aguntur, scripti testimonio roborentur. Hinc est, quod notum esse volumus universis, ad quos presens scriptum peruenerit, et publice presenti littera protestamur, quod cum villa Minkenowe, quam ecclesia in alta ripa ex donacione nostrorum progenitorum a tempore sue fundacionis cum omnibus suis pertinenciis, proventibus, utilitatibus possedit libertate perpetua et habuit pleno jure eo videlicet, quod ab omnibus collectibus et exaccionibus, que per nos requiruntur, esset absoluta penitus et exempta, ad expediciones vero et castra et fossata facienda et alia hujusmodi ire nullatenus teneretur, venatores etiam omnium bestiarum vel castorum cum canibus recipere non deberet nec etiam procurare, curie nostre Gelsch tam comode adjaceret, quod ipsam necessariam haberemus, commutationem sive restaurum dicte ecclesie pro ipsa villa duximus ordinandum, unde cum honorabili viro domino Bernhardo Misnensis ecclesie preposito, rectori jam dicte ecclesie in alta ripa, capellano nostro dilecto, convenimus in hunc modum, quod ecclesie in alta ripa pro villa Minkenowe villam, que dicitur antiqua Brega et villam quo vocatur Rattheie, in quibus tamen dicta ecclesia plenam habebat antea decimam, cum omnibus suis pertinenciis, proventibus, utilitatibus pleno jure ac libertate perpetua contulimus in restaurum, et volumus, quod ipsa ecclesia istas duas villas habeat; sicut ex donacione nostrorum progenitorum priorem habuit, plena et perpetua libertate ea videlicet, quod ab omnibus collectis, exaccionibus, que per nos requiruntur, sint iste ville absolute penitus et exempte, ad expediciones vero et castra et fossata facienda et alia hujusmodi ire nullatenus tencantur, venatores etiam omnium bestiarum vel castorum cum canibus nec recipient nec etiam procurabunt, eo tamen per omnia salvo, quod decima in Minkenowe apud sepe fatam ecclesiam inconvulsa permaneat atque firma in possessione libera et quieta, scilicet dictam villam Minkenowe nobis debemus preter decimam reservare, prenominatam vero ecclesiam in omni jure suo gaudere volumus perpetua libertate, omni immutacione sive cassacione cessante, que per nos nostrosque pueros seu heredes posset aliqualiter evenire. In cujus rei testimonium presentem literam conscribi fecimus nostri sigilli munimine communitam. Actum et Datum Wratislavie presentibus Razlao castellano de Schetschen, Simone castellano de Stinauia, Nicolao judice curie nostre, Henrico pincerna de Appolde, Michahele castellano de Nimchsz , Ozizlao castellano de Zandowel militibus et aliis quam pluribus fide dignis. Anno domini M°CC°LXX° nono, XVIII° Kalendas Octobris.

An der Urkunde von Pergament hängt ein grosses Wachssiegel, worauf, unter einem Portal stehend, ein Ritter mit Schwert und Schild, auf letzterem der schlesische Adler; rechts und links ragt ein Thurm über Zinnen. Von der Umschrift ist noch zu lesen: DVCIS. SL. Früher abgedr. in der Zeitschr. des schles. Geschichtsvereins VI, 387. Vgl. dazu ebendaselbst X. 30.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.